文化節音樂劇組-感想~~~

[肥肥]

唔經唔覺，已經來到表演嘅前一晚，有啲野好想同大家分享，阻你一陣：）
 
仲記得以前考公開考試嗰陣，個呀sir講：　
”你之前做幾多嘅pass paper，之前溫過嘅所有野，通通都係為咗去幫自己係考之前嗰一晚去做最後嘅準備，因為係聽日無論你準備成點，都會原原本本咁展示出來”
 
仲記唔記得我地第一次嘅workshop係幾時呀，．．．就係１月１４日啦！係呢９個半月裹面，我經常都提自己要徹底摒除獨善其身嘅習慣．即係話當同一個團隊一齊去奮鬥嘅時候，除咗要用盡２００％嘅精力去做好自己之外，仲要去諗下自己可以為呢個團隊做D什，可以為其他組員做啲什，但係就算係我之前玩划艇，什至係做埋教練，又或者係我消防受訓嗰陣，雖然我成日都會出於好意咁去好聲好氣去”勸”其他隊友，其他隊員，其他同學做好啲啦，練多啲啦，齊心啲啦，但係往往個結果都總係好似有啲美中不足．什至乎係同你地一齊準備今次文化節時，好似都唔係好做到尾後嗰兩樣野～
 
我成日都諗會唔會係因為自己唔識講野，不善交際，唔係好識得同人溝通又或者自己唔係一個特別叻嘅人嘅關係，所以會覺得同其他人點都好似會有啲距離，點都好似唔係一條心咁去做好眼前嘅大家一齊面對嘅野．更加唔好講話點樣可以去為大家做啲什野．（但係我要澄清，我絕對唔係串，絕對唔係懶醒，只係不善於表達自己 jar !!!）：）
 
經過今次文化節，好自然咁令我感覺到，原來我一直以來真係好似我係套劇入面咁講”以為全世界都係圍繞我而轉”（唔好笑，絕對唔係搞gap, 係真架！！！）
 
當一個人愈係想別人聽佢講嘅野嘅時候，佢所講嘅野，別人就愈唔想聽．係技術上面，比我更優秀嘅人多的是，比我更叻，更識講野，更識交際，更識同人溝通嘅人亦都多的是．我只要做一個（最關心每一個隊員，每一個同伴）嘅人就可以了！
 
我確信如果唔以（自己為中心）來鼓勵大家，反之係以（共同嘅目標）為中心，令大家團結起來的話，就一定能夠取得大成功！確認我地共同嘅目標，我地每一個人都向著呢個目標走就可以了．而我相信係呢一刻，我地共同嘅目標就係聽日同埋後日，最後三場嘅演出能夠無事故咁取得大成功！更重要嘅係我地每一個人都可以充滿自信，以絕對嘅勇氣去做好係自己控制範圍裹面可以做到嘅野！
 
最後有一樣想分享，可能大家對於（自信）呢兩個咁簡單嘅字會有十分透徹嘅了解，就好似”我一定可以做好、我一定做到、一定可以取得勝利，一定能夠令台下面嘅觀眾感受到我地嘅信息等等．．．．．．”雖然以上都係絕對正面，絕對正確嘅意念，但係在我來講，係呢一刻，我感受到真正絕對嘅自信就係”就算你俾多一次機會我去做多一場、兩場，什至三場都好，我都唔可能再比我怡家即刻要開始做嘅呢一場做得更加好，因為我確信係來緊呢一場，我以經將我所有嘅精力、所有嘅精神、所有嘅心血，將我最好嘅一面完完全全咁展示出來”‧
 
係來緊嘅每一場，我都會提自己以呢一念去享受整個演出！！！！！
 
各位戰友，係時候起飛啦！：）
 
 
P.S. 今晚記住早啲休息，養足精神，今後兩天期待與你飛躍起、飛躍起、飛躍起！（嘩，leung到呀）
 
Andy
2007 年 10月 26 日 @下午10:22

[肥肥]

Andy 兄及各位：

看罷你的感言，我都忍不住要說說，或許篇幅較長，希望花大家些微光陰轆轆。
到了現在，日子已是零七年十月廿七日零晨六時。時間過得很快，不知不覺，籌備了年幾的本部文化節十零個鐘頭後就是了。現在，愚人的心情可謂百感交雜，真的不知從何說起，但愚的也希望能夠好好與大家分享一番。未必對演出有幫助，但至少給大家些少鼓勵。

從預演後的那天起，愚人便重拾很久以前的一種失落感，是開始有點不捨得與大家共同奮鬥的日子。心裡想著：「完結後，大家便會各散東西，重投各自精彩的人生。大家會大起來，也有可能要為理想、為口奔馳而不知不覺失去了一種對生命、對真理的堅持，此時此刻要好好珍惜，好好記憶。」已很久未嘗這種感覺，這種一廂情願的感覺。自沒有參與體操隊，到漸退出未來部，再到沒有了聯合六個支部青年部搞五‧三後，真的很久未嘗。到了昨晩深宵時份，因為要趕功課予中午前交，第二朝又要返工，超眼訓加上緊張情緒，心裡感覺一刻間昇級到百感交雜的層次，好像自己快要不在人世（啋......）。心裡滿佈著過往多年來各種學會的經歷與及跟各同志一同為廣布、為信心奮鬥的情景，也有一些對於人生的感慨。因為自己已不是十八廿二，是名符其實的成年人。要擔起頭家，父母開始年老，弟妹已不再小孩；要為自己的事業而奮鬥，尋找出路；更要學懂愛惜身邊的每一位。

大家在練習時，時常會見到我好似傻仔咁狂搞事搞笑。但真正的我是根本不喜歡講嘢，也很自我，更是充滿悲情、帶著感性感覺來生活做人，與台上、與練習時的我判若兩人，而學生時代的我亦跟現在的我是兩個人。學生年代的我是一碌偶，個人懵盛盛，等被昆嗰隻。但自從認識到展鑾後，從第一年即二零零一年時開始在五‧三上做話劇《畫出人生的色彩》第一次導演我，我第一次做演員，到往後一年中學部無間斷的合作，再到零三年《和平飯店》第二次導、零四年《和平飯店前傳》第三次導、零五年被他誠邀做糊塗戲班《樓上動物園》的第四次導，以至七年間多個無數的大大小小活動、開會、飯局，來到今時今日這一年文化節我兼任兩職──計劃負責人與音樂劇演員，他給我對做人做事、對掌握自己的人生、對認識這個世界、對為廣布奮鬥有無數的啟發，加上自己打不死的鬥心及不斷多方（如做戲、拍嘢、寫文、度橋、講教學、聯絡、照顧、策劃各種活動和跟不同人溝通合作）嘗試、學習、實踐，才成就今時今日的我。除了以一世共同為廣布奮鬥與永不止息的題目答謝外，我已無法以任何詞匯形容。天兄，感謝！

到現在我對信仰已有一定的認識，也有自己的一套睇法，又經歷過不少大風小浪。雖不至活得精彩，但卻覺得活得無悔、有價值。每行一步都有其因緣和合的各種人與事配合，讓自己茁壯成長起來，磨練起堅強的心志。過去一年的文化節，面對很多人與事，問題層出不窮，事事人人均需極大的智慧與堅持解決面對，喜怒哀樂試云全餐，讓我對佛法有更融會貫通的體會，對做人對事也變得成熟，大大感受到佛法的偉大，也感謝池田先生與佛在久遠元初時已給我與一班為廣布無私奉獻的同志共同奮戰的約定。一切都是多得南無妙法蓮華經，給我一個轉換宿命、人間革命的機會。

在零五年八月以前，我跟信心不夠的人一樣，題目不多，間中唸十零廿分鐘。但不知是否多年活動（雖未至畀盡全力，但也有用心）種下的因，讓我某日跟一位未是會友但智慧、知識、對人的關懷心卻高我幾十班的會友的丈夫在共聚晚餐、有意無意的情況下，他談及一位在英國全國男子部的最高領導開展了一個以為期一百日每天持續的唱題運動，不知何解即時「叮」一聲，令我下了一個決意，嘗試玩下，以一百日時間持續每天定時唱題，於是便開始了第一個唱題運動──《百日信維新運動》，百日後我在最初許下的承諾與願望均一一達到。接著再來第二個更甘的以一年為期的──《一個好年淨化人間革命運動》，風雨不改每日差不多兩小時。在這年半間，確實感受到佛法的力量，把我打從根本變革起來，將自己的劣根性逐少浮現，讓我從日常人事上察覺，繼而決心改變。然後到今年四月開始便正式進行第三個更攞命的三年計劃──《一念三年遊樂廣布起義運動》，改變步伐更大更快。因由第二個過渡到第三個唱題運動時，正值當時是五‧三籌備前夕，自己上年決心要搞一個支部奮鬥史回顧紀錄片，今年年頭便開始籌備資料搜集、訪問、拍攝、剪接，過程中的困難簡直難以形容。但感受很深，讓自己更加珍惜現在每一次成長的機會及學習到六、七十年代奮鬥過來的前輩的信心姿勢及面對當年廣布困難的靭力。之後便是一股作氣全力籌備文化節、面對讀書及尋找合適工作，一一都在題目的浸淫中得到無數的諸天善神維護及在當中衍生出各種合適自己克服困難的智慧，讓我找對合適自己的讀書方法和一份有發展的工作。尤其在多個月的排練中，我已唔太想的演戲和極唔想的跳舞，我都一一克服過來。我確信的是你們這班同志與題目，是一定會讓我徹底成長為一個真正的人才。

到了這個位，也太多口水喇！但我只想說一件事，無論今次成功與否，我也非常興幸能跟各位一同奮鬥，一同成長，一同成為永遠的知己。這個歷程是無法改變，已是事實，已刻下心中，永不磨滅！

最後最後階段了。真正決勝負的時刻到了。阿五人多年來為開展多元化廣布而堅持到今時今日，成唔成功便靠我們這一代後繼爭唔爭氣。要以行動、以信心、畀盡全力來實證多位前輩的努力是無白費，不要辜負甜、東、展鑾、阿庭以及一眾文化節青年部中堅的負責人們的心意。

來吧！一齊 chur 到盡吧！以最喜悅的笑容、最強的決心來打動所有觀眾，讓他們看到阿五人是最出色的！

啟良
2007 年 10月 27 日 @上午5:57

[肥肥]

咁多位~
 
我真係好唔捨得! 文化節係今日已經告一段落! 心情極度失落~
雖然極度眼訓, 但係真係忍唔住將心入面嘅野寫出來.
 
感覺忐忑深沈, 高飛還留在心 ~
 
---------------------------------------------------------------------------------------------------
由2007年1月14日嘅第一次工作坊開始，轉眼間已經大半年。仲記得，一開始嗰陣，玩咗好多好搞笑, 好低能嘅遊戲。令我印象最深刻嘅就係教我地如何去運用聲線嘅工作坊。點樣用舟田?點樣由1-10度聲去講同一句說話?點樣去將一句對白嘅每一隻字都清清楚楚咁”拋”出來等等…….呢啲對於一個因為平時唔多講野,而口齒伶俐方面極度惡劣嘅人來講, 簡直係一個越N咁多級嘅挑戰!

到到之後, 排戲嘅練習真正開始啦! 由第一場排到第十一場，所有講對白時, 語氣嘅運用，感情嘅拿捏，同埋呢套音樂劇另一個重要嘅元素---跳舞. 所有野都係由冇到有…..由一開頭, 每個人唔多唔少都係係到背對白, 到到自己講嗰陣, 就自動波咁出聲, 冇什顧及自己同對手間嘅交流, 什至係跳舞嗰陣,大家嘅鬆散, 專注力不足, 到到28號文化節最後一場嘅演出, 每一個演員都完全演活起自己嘅角色, 完全用真心, 真感情去各觀眾傳遞每一句對白, 以最高, 最躍動嘅生命力傾注係每一個舞步當中. 單單係呢個過程裹面已經完完全全咁感受到我地每一個人嘅大成長, 每一個人都將一啲自己從未做過, 或者從未成功做過嘅事, 通過呢段時間不斷嘅挑戰, 確實咁實踐出來!

仲記得, 係大約去到準備過程中期嘅一個男子部部員會, 甜兄問我地希望藉住今次, 想係邊方面取得最大嘅成長, 我記得我嗰陣嘅答案只係 ”希望透過今次文化節去加強自己嘅勇氣, 令自己將來能夠更加有勇氣咁去同身邊嘅朋友傾談佛法, 令身邊嘅朋友都能夠有機會去認識到御本尊! ”其實真係一個幾行嘅答案!, 到到今日, 文化節告一段落啦, 係最後呢幾個月嘅時間裹面, 我感覺到之前, 每當要去做一件事嘅時候, 就算呢件事自己唔係咁熟悉, 唔係咁有把握去做好都好, 只要俾啲時間我, 就一定可以交到貨俾你, 而且都會有番咁上下水準嘅……但係點解自己都好似仲未可以係某一方面來到獨當一面, 來到發揮起我嘅使命呢?

原因就係我一路以來都缺乏咗一份 ”係剎那間就一定要取得勝利嘅信心” 每當我要去面對一啲難題, 或者去嘗試一啲我未嘗試過嘅情況嘅時候, 我就只會係到諗, “你俾啲時間我啦, 我練多幾次就冇問題, 就交到貨俾你架啦” 但係係實際生活, 有幾多野, 真係可以話俾一段充足嘅時間你去做準備, 然後係一個 你覺得最舒服嘅環境去做你呢件”準備充足”嘅事呢? 亦都因為自己一向缺乏呢個 ”剎那間一定要取得勝利嘅信心”, 就算真係可以俾到充足時間去準備做一件事, 咁理應, 應該係可以做得好好至係架~但係, 又唔係喎, 又梗係會有啲唔能夠將自己所準備過嘅野完全咁展示出來!

所以問題嘅關鍵就係在於我地能唔能夠當就算面對一啲我地冇把握, 冇信心做好嘅野嘅時侯, 依然能夠係剎那間湧現起係嗰一刻就一定要取得勝利嘅信心! 將一段我地本身係會怕去面對嘅時間, 變為一段因為自己湧現起必勝嘅信心而唔怕眼前嘅環境, 盡情咁係當時去將自己最優秀嘅一面, 將自己內在,自己平時唔察覺嘅潛能發揮出來而感受到嘅magic moment ( 魔術時刻 ) !

與其仲有時間去為自己即將一定要做嘅事而懼怕, 例不如豁咗出去先, 咬緊牙關, 做咗先算, 當你真係能夠湧現起呢個決心, 而成功挑戰到一啲你從來都冇諗過你自己原來可以做到, 兼且都做得幾好嘅事嘅時候, 你嘅感覺一定會係從來都未試過咁正!

總之, 就算痛苦, 覺得迷失,, 都一定要養成 ”向前邁進一步嘅習慣”, 因工作需要, 我本身係一個勤於, 亦好鍾意做運動嘅人, 因為一個健康嘅身體, 足夠嘅力氣, 一定要靠鍛鍊先可以培養出來. 其實勇氣同力氣都係一樣, 越鍛鍊就越強, 而且你越係用佢就會越大, 逐少逐少咁去將自己嘅勇氣積聚, 到最後, 一定可以出乎意料咁成為一個勇敢嘅人!

Andy
2007年10月29日 @上午4:05

[肥肥]

各位一齊奮鬥的朋友、同志﹕
       
        經過一年多的共同磨練，文化節終於大成功的完滿演出。這一年中，相信不只是我，大家都一定係生活上、學會中，不停地克服着不同的困難。經過這一年多的共處，我地的感情已經是密不可分，已經是可以共同分享喜樂的兄弟姊妹了。
 
        記得在一年前的其中一次音樂劇的workshop中，我有幸可以享自己係之前的文化節的感受。我因為對2001年文化節感受不大，所以好記得，當日分享時同大家下了一個決意﹕希望自己係未來的一年之中，會投入地、切身地去感受文化節。
 
        一年過了，回首這一段時間之中，真的有好多好多事發生了。高考之後再出來和大家一起排劇，卻不停地忙於處理學會其他小組的工作，包括紫荊鼓笛隊結成演出、d.i crew dance的交流、中學部總會……一直都好忙，所以基本上每次出黎練習都好攰好攰。但認真的撫心自問，為何自己只有在練文化節的時候才會不斷的表現出疲態?為何當自己係其他的組別練習及開會時，不論如何累，都不會好像練文化節般沒心機?那時的我，其實比了自己好多好多的籍口，雖然不至於不出練習，但只要一有其他的會開的話，我一定會請文化節的假。雖然有同fanny傾過，但自己一直都克服唔到這一種心態，甚至有係練習的時間黑過面(之後有同文欣講過，連佢都唔信我會開會會黑面…)，最受氣的大概係fanny吧…...對不起哦~~~
 
        係2007年8月26日，係文化本部的研修，我記得，同日有音樂劇組的練習。那日的早上，我真的有請假不出文化節的一念，覺得如果上午要研修，之後還要由太子趕回柴灣太辛苦了，受不了。係研修的埸刊上出現了一句﹕”誰都一定有使命，有非自己完成不可的使命”，我真的在那一處驚醒了，我想係文化節中，我就是欠了那一種”非我不可的使命感”吧…我一直都沒有認真思考過自己係文化節入面的使命，是有”希望能感動人”的心，可是連自己都沒有被感動，如何感動人??自己的心先慢下來了，練習自然不可能有所感受。那一刻，我有種重新出發的感覺。當我到達會場之時，大家都在排fame，我雖然是遲到，但看到大家都好用心去練、去學，覺得自己不可比大家慢，而大家的努力亦真真正正的刻在我心底了。
 
        每次係文館彩排，大家係後台都一定會玩，會嘈。但係有一次的彩排，呀十無lala同我講話有人覺得音樂劇組的人好hea。無錯，我都覺得我地好hea，hea得太過份。但佢講完之後我真係有D驚訝，因為呀十終於成長左了，我覺得佢有個種想要收緊自己的心，好感動。
 
        我想這次文化節的真正成功不是在於三場是否爆滿，而是參與在其中各人是否得到成長、能否打動到自己和觀眾。我想講，我地音樂劇組真正的大成功了!!!!好多謝音樂劇的每一位，你地真係令我成長了好多!!相信是未來的日子，不論發生什麼事，我們都絕對是會互相扶持的兄弟姐妹~~~~~
 
我愛你們哦~~~~~~~
 
嘉濂^3^
2007 年 10月 29 日 @下午5:04

[肥肥]

各位，
 
妙音說過 "出黎練習並唔係求求其其玩玩下消磨下時間就算，而係一個機會，比我磨練心智，好好成長。"
 
呢句說話，一直對我黎講只係一句台詞。直到昨天的兩場演出，這句說話變了我的心聲。謝謝給我這個機會，令我成長了。
 
我好高興能夠認識你們每一位，你們豐富了我的生命，令我的人生更精彩，令我第一個的文化節畢生難望。
 
期待以後學會上其他活動可以再次走在一起~
 
多謝你們!!
 
礎瑜~
2007年10月29日 @下午8:21

[肥肥]

緣份?
我終於知咩叫緣份啦....
我係透過 王 老師帶我去柴灣開會果d...
同埋佢叫我地試多d唔同既野...
累積多d經驗...所以我就參加左呢次既文化節啦!!!
所以就識到你地啦...
哈.... 
系文化節裏面令我認識左好多野呀...
用金錢買唔到既...!!
最開心既係可以識到你地...
而你地每個人都全力以付做到最好....
付出時間..努力...心機等等!!
大家都係希望可以系呢次既文化節裏面可以留下光輝既一幕!!
成為難忘既回憶...
我知道大家都好唔捨得....
好多人都感動到喊...
開心到喊....
文化節呢次表演....
有大大細細一起合作演出...
令到台下既觀眾耳目一新....
而我個人既感受...
我覺得我系呢段時間裏面成長左...
初初既時候...
我覺得好麻煩..成日都要練習...
無左好多私人既時間!!
煩死...
有d唔鍾意...
但係慢慢令我開始知道咩叫團體既精神...
咩係團結就係力量....
咩係異體同心....
今次我得到既唔淨只係一場成功既演出...
仲有既係好多寶貴既朋友仔你地呀...
呢種開心同喜悅唔知可以點形容呢!!
我今次好享受呢個過程呀!!!
多謝你地呀....
俾左d甘寶貴既回憶同經歷我!!
希望日後既日子都可以同你地同台演出啦....
唔會忘記你地咖....
而你地都唔好唔記得我呀...

by 寶欣
2007年10月29日 @下午9:36

[肥肥]

I LOVE YOU ALL!!!
記得當初文化節cast音樂劇時係抱著"試下啦...唔得咪in唱歌囉..."的玩玩下心態, 但自問我係一個幾內向的人,對於玩音樂劇呢d要同一大班人合作同之間互相的溝通, 我當初好驚會同你地唔夾, 左諗右諗. 去到我地第一次(14/1/2007)的workshop, 由當初1d 都唔熟, 3唔識7 的, 去到依家, 成為好友, 傾心事, 問功課, 解疑難等等等等的問題, 我已經認定你地係我生命當中不可或缺的重要人物.

浩晴：每個人都有自己特有既使命, 每個人都係自己人生舞台上既主角。係呢一刻，我知道大家既心意係一致既，我感到好榮幸，可以同咁多位志同道合既主角一齊同台演出。

妙音：我相信無論輸贏，只要我地用真心真意去演出，觀眾一定可以感受得到。
我好鐘意男女主角呢兩句說話, last show 我聽呢兩句個時忍唔住想喊, 跳fame 個時一路係咁流....仲記唔記得當初的一盤散沙, 就好似scene 5 的ok 合唱團咁, 一d 都唔認真, 仲未搵到目標, 懶懶閒咁. 當我地以為自己好得既時候, 先發覺原來我地的態度係令人非常之咁唔高興, 多謝所有提醒過, 教訓過我地的人, 係你地既說話令我地作出改變. 係呢個文化節入面我見到個個都成長左好多, 唔係限於音樂劇方面, 係個人方面都見到大家有好大的改變!
三場爆滿!!!尾場更過千!!!
好多謝為我地唱題的會友, 仲有支持我地既人, 你地係睇完預演之後的feedback, 我地都一一改進, 得知有d 人睇到喊我都好感動! "...青年部唔係垃圾! 佢地係後繼!!!"展鑾講的說話好深刻...
妙音：慢慢我就明白到出黎練習並唔係求求其其玩玩下消磨時間咁就算，而係一個機會，俾我地磨練心志，好好成長。
做負責人都係, 作為少年少女部的負責人, 我都要好好咁培育佢地, 唔單止係佢地向我地學習, 我地更要向小朋友學習, 所謂的"師弟不二" 就係要咁.
由圍讀個一刻,直到依家, 有接近一年了!!
完左呢個文化節, 我地就要返去各自的崗位繼續奮鬥, 容許我係呢度同你地咁多位講......

展鑾: 多謝你咁睇得起我, 一個人要under-study兩個角色真的不容易, 多謝你比機會我去發揮我既"記憶本能"/___\ 你每次的教導同爛gag令我地係排練既過程中生色不少!!我知你為左呢個文化節做左好多野, 一字記之曰: 心.

fanny: 雖然你成日比我地話, 但你都唔介意hahaa, 我知你係背後做左好多野, 仲成日send e-mail, 又整呢整路, i love you 呀baby!!少部大把機會見!!你快d 整好個頭啦XD

文健: 很欣賞你的才華同認真的態度, 要擔任演員仲要呀墨唔得閒個時你幫我地mark舞, 辛苦你喇!!!你的'黑面'的確令人超驚, 但係我知你係為我地好既!多謝你呀!!

呀墨: 雖然你唔係會友, 但好感激你為我地所付出的時間同心機, 幫我地mark舞排舞改舞, 你好放呀墨墨!!!!希望將來係sgi會見到你!!!!

andy: 好欣賞你既毅力同態度, 要記咁多對白並不易, 你要記住我地既回憶, 好好將你既使命發揮係你既工作同其他方面, 遲d 再見!!

啟良: 要成日流住waterfall般的汗去跳你平時唔會跳既舞並不容易! 你既努力係無白費既!! 我永遠都會記住你既'靈芝苞子' = = 期望將來再有機會合作!!

dicky: 係少部已經領教過你同黃焯然既白癡野, 估唔到你做戲都幾好! 你放心, 將來我地大把日子見, 希望你考試會順順利利, 你要對自己有信心呀baby!!

bonnie: 雖然你好忙, 唔係成日出到黎練習, 但我好欣賞你對自己既自信, 你好charm!!! 期望將來再有機會合作!!

嘉濂: 識你耐但並無真正了解過你, 估唔到你咁喪既!!我超鐘意你個型頭!!好match你!!好欣賞你對學會活動一直都咁熱衷, 我要多多向你學習!!

礎瑜: 認識你只有大半年, 你當初比我既感覺好似好文靜咁, 但原來可以係完全相反既!! 估唔到我同你既磅數係差唔多..wahahaha 終於比我搵到志同道合既人喇!!! 今後我既acct要多多拜託你喇

礎筠: 由少部識你只不過係一兩句, 但依家可以同你咁friend, 竟然會係咁...下次你唔記得帶襪我借反比你啦呀哈哈哈!!得閒出黎唱k呀babyyyy!!

carman: 識左你好耐, 但一直都無了解過你, 你好好人呀!!希望你係事業上會有更好既表現!! 你要好好記住我地既回憶, 特別係一齊好夜搭mtr返屋企既回憶哈哈哈!!

十: 當初覺得你真的好hea, 由當初既十下十下, 慢慢發覺只不過係你既潛能未出, 做得好好呀你!! 加油呀!! 一齊增肥啊哈哈哈!!!

cyrus: 係因為礎瑜你先至認識到我地呢班"ok蛋散"hahahaa, 好開心可以認識到你, 你要兼顧比賽之餘又要練舞, 好勁! 希望你將我地呢一份既堅持係你既運動方面好好咁發揮! 將來見!

古仔: 感激你成日比我打, 其實你好有天份, 我地的練習就好似你平時練波咁, 所以你要記住我地既回憶, 係足球場上發光發量!!! (...你睇少陣波經啦!)

helen: 估唔到個世界真係咁細呀, 你竟然係auntie個同事!! 好欣賞你不斷係屋企練習同喪到陣既唱題鐘數, 好開心可以識到你, 得閒去公司搵你食飯啦^^

章sir: 老細! 你把'大聲公'有時真係嚇親我哈哈哈!! 得閒再去你屋企同你地一家玩, yeahhh!!!! 希望再有機會合作!!

石澳妹妹s: 雖然識左你地唔係好耐, 但發覺你地各具性格同潛能, 要好好keep住我地默劇既回憶! 將來有機會再見呀!!!

多謝你地, 係你地令我每個禮拜六日都過得咁充實.
妙盈
2007年10月29日 @下午9:50

[肥肥]

Hello 同"心"嘅各位,
首先當前急務就你為展鑾父親送上題目, 祈願轉重輕受, 早日康復! 謝謝 !
 
文化節大成功完成啦! 嗱 ! 唔好嫌阿媽長氣! 哈哈 ! 我想分享好耐, 但驚依依下拴心情難以平伏, 早在 21/10 預演個星期己經好有失落感, 好唔捨得大家,好唔捨得每個見面日子, 個一日坐立不安, 加上有預演嘅緊張, 我知有 D 眼耳口鼻嗱住, 如果呢個樣有令大家不安, 請包容同原諒, 雖然我同你哋傾計唔多,(話多唔多, 但都唔少), 我好珍惜同大家一齊努力學習, 欣賞你哋排舞, 每次完成之後又盼望下一次快 D 嚟, 多謝展鑾比我一個新賞試, 磨練,佢係我入信以來, 除咗女子部長黄潔文媽媽-黄陳嘉蓮女士, (無咗黄太嘅鼓勵, 我係好甩皮甩骨 Ga), 第二位令我係信心上非常佩服嘅人, 佢信心純粹, 又熱愛青年部, 努力培育新後繼, 又有藝術天份. 加上 最珍惜同開心就係識到你哋 , 從 14/1/2007 至 28/10/2007 呢段日子裡面,既充實又辛福 ! 我昨晚全晚瞓唔到, 個腦好似錄影機, 全部都係過去嘅相處同呢三日全部發生嘅一切, 昨日我己經忍唔到眼淚, 當人聲伴奏裡面黎惠娟話我知 : 我講個段佛法感動咗好多人, 我 D 眼淚就直流, 我係一個好感性嘅人, 直至今日收到朋友恭喜嘅電話又眼濕濕.
再一次感激大家, 識到你哋係我福氣 ! 唔好捨棄我呀! 如果唔介意, 有聚會記緊話我知, 等我分享你哋喜悅呀! 

歡喜媽咪
2007年10月29日 @下午9:50

[肥肥]

各位兄弟姊妹：

文化節不知不覺就完滿地結束了。我現在還覺得我們還在籌備中、還在準備演出，第二朝紥醒時，腦海即時浮現２８號的晝面，接著是這一年多時間裡的與大家共歡笑、共患難的畫面，久久未能平伏，不能再入睡了。

因那天上午請了假，在執拾部Pocket PC 的資料時，發覺我大半年前曾經跟大家分享過池田先生的一首詩《光榮都市》，是十年前九七年第十六屆世界青年和平文化節時，為香港會友作的。而當中一段是我最深刻的，永遠不能忘卻。正正是十年後的今天大家的寫照。

「我摯愛的創價兄弟啊！　為何你們　會在這歷史的轉變期　誔生於此　又雲集此地？　　這不是偶然也不是巧合　一切都能清晰明瞭　只要打開佛法慧眼　　你們是無尊貴的地涌菩薩　為了完成久遠的大使命　或是受到本佛的差遣　或自己甘願出現於此地」

大家的相遇、友誼的建立如先生所說是大家在久遠元初已承諾在現今廿一世紀這個末法時代中雲集於此地，共同為廣宣流布、為各自的使命而奮戰。我非常榮幸成為音樂劇一員，雖然我可老實跟大家說，我在最初是作為一個「前輩」的身份加入，是展庭二人希望我能夠帶動大家。但我確信我跟大家的相遇，並非他們二人的主意，是我跟大家在久遠的盤古初開時代已約定一齊於零七年阿五文化節中同台演出，所以已不是帶動，是共同奮戰，是同伴，是戰友。

如今文化節終於真正得到大成功了。今次真的不再是口號式的大成功。是全體阿五人年幾間chur 到最盡的實證。而音樂劇組的你們在最後兩場更是chur得比最盡更盡。再一次證明了佛法是無老點、真的堅秋，有因必有果，因果俱時，認真的修行一定會得到無邊的福德。

老實說，這大半年裡很多時我的能力只能顧掂自己，好難去點樣帶動大家。所以大部份時間我都要用十倍專心去做好每次排練，歸家後我又要搞讀書，日頭又要返工。正如出show前那個mail 亦提及，我已經唔係好想再演戲，是因為我要面對我自己茫茫的前路，已畀唔出那種熱血的energy；而我極唔想跳舞，是因為我實在冇天份，協調身體不來。但我確信的是這個佛法，確信今次我每個崗位都是非偶然而來，是有非我不能完成的使命在內，所以我相信一定可克服。因為御本尊其實就是指自己。御是日本的一個禮貌語；本尊就代表本身尊貴的自己。以往很多時開會都會提及我們要確信御本尊去祈求，一定可以取得勝利，查實是要對自己有信心，確信自己一定掂。所以，即使我每次練習都不太願出，亦未有衝動為音樂劇的大家祈求，但我都會在每次練習前都認真用心祈求自己能夠投入，用信心展現自己的喜悅，跟大家一齊成長。結果每次都能夠盡心盡力，用最認真的態度對待，這就妙法奇妙的地方。只要這個法無疑若信，自己的宿命一定能夠轉換，一定可以找到清晰的使命，潛能一定可以盡情發揮在自己的生活領域、學會、社會上。

今次的文化節有緣能夠跟大家一同奮戰，一同見證彼此的成長，一同締造多元化廣布的新一頁，一同成為廣布最前線的精英，我感到非常滿足。如天兄所言，我們青年部並非一蟹不如一蟹，不是垃圾，是真正的後繼、法華經行者。作為阿五人，自豪非常，一世無憾。期望大家能夠在不同崗位發揮各自的使命。櫻梅桃李，各展所長。在此跟大家約定，於未來十年內共同成為池田先生、大聖人最出色的弟子，將多元化廣布扎根香港廣布史中！
 
大家繼續奮鬥吧！於未來再度共戰。

啟良
2007年10月31日 @下午3:16

[Leechin]

演出之前，最後鼓勵！

http://ronaldleechin.blogspot.com/2007/10/blog-post.html

25/10/2007

展鑾

[Leechin]

文化節結束了，不知道這種產後抑鬱何時才能平復呢？很久沒有這種極度不捨得的感覺，這份失落感，大概是因為早把這次文化節視為最重要的事情，百份之一百投入，過程中跟大家一起經歷了不少苦樂，更建立了深厚的感情。雖然不捨得，但當亢奮的心情平靜下來，是時候確立新的目標，在日常生活和信心修行上，將這段日子中積聚起來的勇氣、認真和毅力一一發揮出來！各位要互相扶持啊！
 
在今次的大行事中，我的主要工作是擔當音樂劇小組，在籌備過程中被普遍看淡，但在眾人的努力和磨合意見之下，終於一步一步將構想實現，真真正正感受到「將不可能變成可能」。想起來，其實五年前的學生部總會，我也曾統籌過一個小型音樂劇，劇名為《史上最強第一村奇幻之旅》，那次行事也很難忘。該劇的主題回應池田先生推動的「地球憲章」，關心的是「可持續發展」這個嚴肅的世界議題，而我們創作了一個挺過癮的故事。大家有時間不妨看看這頁網誌：
http://ronaldleechin.blogspot.com/2002/10/blog-post_12.html
 
那是一次相當難忘的奮戰，短短二十分鐘只演一場演出，我們排了兩個幾月，每個人都竭盡所能做好自己崗位，自此更成為戰友。看著這張相片，發現當年參與其中的主力，如今已肩擔起副學生部長等重要使命。其中阿五也有兩位主要演員，他們就是一直在男子部踏實地奮鬥的啟良和宏鋒；前者在今次文化節既是演員，又是計劃部門的成員，參與紀錄和宣傳等策劃，而後者則是計劃部門的主力艦之一，為整個行事作出種種安排和部署，看見兩位不斷成長，真的非常感動！
 
看罷啟良的長篇感言，超感動，真的很慶幸可以跟您共戰和一起成長。以前有前輩提點我不要影響你太多，我也有反省過，近兩年我放心了，因為你已經建立了自己的價值觀和屬於你的演繹，還有小弟向你學習的唱題運動！以你目前的走勢和堅持，未來一定會更加精彩，記住御本尊對真心的祈求和行動一定會有回應的。還記得千禧年前的中總迫你扮女人做阿媽，其實那次才是我第一次導演你呢！今天的你在舞台和生活上的表現出色得多了，今次文化節還挑戰了心魔的跳舞，這不是發揮使命嗎？這不是人間革命是什麼呢？兄弟，放心吧！踢走無力感，打破元品無明，深信自己有無限的潛能，定必可以活得自在，好事自然來！
 
談到「挑戰自己」，不得不回應絕種乖仔消防員Andy，感謝你全程投入、全力以赴、全心全意的表現，更難得的是由始至終對成件事及對負責人的信任。看罷你的show前鼓勵和show後感言，回想你年幾以來的成長，實在令人振奮！還記得當你還在學堂時，我和宏鋒特意待你「放假」那天跟你相聚，聽你訴苦水之餘，更千叮萬囑叫你出席文化節招募。轉眼一年，阿五多了你這一位純粹的年輕後繼，從信心、學習各方面穩步上揚，在文化節最後一場的「上身」表現更完全展示出你的決意。感謝你分享到「勝利的信心」和「向前邁進一步的習慣」，其實你所體會和實踐的，正正就是師匠提倡的「人間革命」精神，以及佛法中「勇猛精進」的教導。希望藉著持續的學習和參與，你可以將你的體會昇華到更高的層次。回看自己的發心經驗，我衷心建議你未來多從「使命」和「師弟」這兩個點子去反思和奮戰。兄弟，我們對你充滿期待。
 
第一節完，待續……

展鑾

[Leechin]

上次談到「使命」，劇中浩晴在最後一場講過：「每個人都有自己特有嘅使命，每個人都係自己人生舞台上嘅主角。」經歷過這一年的奮鬥之後，我深信大家都對此體會更深。這令我想起嘉濂的感言，「誰都一定有使命，有非自己完成不可的使命」，說的就是這種信念了。你提到8月26日從大埔研修回來，直落東館的技術綵排，那天的畫面我仍然記得。經歷了一整天的行事後，你趕回來了，還在大家休息時捉住幾位組員，去學回自己缺席了的舞步，實在鬥志可嘉！在學會的磨練和拜讀師匠的著作當中，我也漸漸培育起強烈的使命感，甚至作為生活的原動力。

不過，也想借機分享一下，我認為在努力發揮使命，認真投入每一件事的同時，也必須好好計劃安排時間，讓自己的生活得到一定的平衡。佛法講「中庸」，假若我們總是拖著疲累的身子，身邊的人未必會感受到你的幸福，更可能會被一個「忙」字嚇怕，那麼便形成一個「反現證」，進行折伏弘教和培育照顧只會難上加難。以上這番說話是難聽的，但是我們已建立了信任和友誼，所以這一刻我將自己的親身體會作為分享和少少提點。作為負責人，也要留些時間給自己和重要的人，去見識和接觸這個世界，反之成個人便會好dry。在擔當方面應有專項和次選，例如在一個小組成為主力，在另一個小組就擔任支援的角色，其餘的參與便只作為組員，不同戰線不同崗位都有獨一無二的的使命。以上都是紙上談兵，我自己都未掌握得好，大家一齊努力吧！有決意，有祈求，自然會湧現智慧作出最佳安排！

很有趣，嘉濂和大小姐（又名狂人）也曾提過自己曾在練習過程中黑面，其實大家都是著緊件事，同時面對多項挑戰，所以堆積了一些情緒而已。我很想感謝劇務的詩琪姐、狂人、還有雲霓的可塋，在最後綵排之前的音樂劇小組檢討會上，義正詞嚴卻又苦口婆心地，讓大家知道其他參加者覺得各位好hea，不合作，不認真。從這一天開始，大家終於真真正正醒覺了，難得的是本來以hea見稱的阿十，都找機會提點其他人要做好一點。驚喜的是，在大家送給小弟的結婚禮物上，阿十寫了自己的承諾，她告訴我她會畀心機，叫我放心！果然，大家真的做到了，真的成長了。單是這個得著，再辛苦都值得。

正如礎瑜的感想引用了劇中妙音的對白：「出嚟練習並唔係求求其其玩玩下消磨下時間就算，而係一個機會，比我哋磨練心智，好好咁成長。」這一年來，各位愈來愈認真的表現，實在沒有浪費到這個機會。坦白說，招募時我們選擇誰人做負責人、誰人擔演哪個角色真是絞盡腦汁，我們盡量考慮所有方面，最希望就是整體得以大成長。在這次許勝不許敗的試煉中，我們起用大量新人，誠然是非常冒險和自討苦吃。然而，大家的成長證明了這個選擇是可取的，各位的努力沒有白費，我實感到這是諸天的維護，也是生命與生命之間的微妙感應。寶欣覺得這是緣份，我很同意，相識就是緣。不過我們不但相識了，更一起走過非常精彩的路。正如阿Milk所講，大家已成為彼此生命中的「重要人物」。我相信，這種相知相遇和異體同心，背後一定有其特殊的原因和意義，我視此為「福運」，我會珍而重之。

第二節完，待續……

展鑾

[Leechin]

對大家珍而重之的，肯定不只是我。Helen多次練習上和演出後的心聲，都一直流露出其對大家的重視和維護。永遠不會忘記，當不少人都懷疑這個模式的文化節會否太長、太悶、觀眾不明白、難以有感受；民間討論應刪改哪一場戲，甚至自己人看罷其他本部的文化節綵排後，擔心阿五將會是最差的，少數雪中送炭的戰友包括你。當時你給予的鼓勵，言談間所展現的信任，還有加碼唱題支持，比起大成功之後無數的錦上添花更加令我刻骨銘心。
 
看罷最後一場演出中，尤其是最後一場母子深情對話，真的被你們真摯的演出打動了。我在台側的音響控制間禁不住用walkie talkie說：「終於做到了！他們終於做到了！」Helen你在電郵感言中提到，大家一起奮鬥的日子是充實和幸福的。啟良更覺得自豪和無憾的，小弟很有同感，並想起池田師匠在《生死一大事血脈抄講義》指導到：「要看自己能否無絲毫遺憾，對自己的人生感到滿足。」今次文化節，大家都施展渾身解數，目標清晰，全力以赴，最後達至異體同心，櫻梅桃李，各展所長，自然感受到如此喜悅和滿足吧！正如劇中的結局，當各位呼吸一致傾盡全力地演出，大家已經勝利了，賽果也不必要交代。
 
回想在學會成長的歷程上，真的經歷了很多精彩的奮戰，當中不少發生在十一月。
 
五年前的十一月，如上文所言，學生部總會嘗試滲入音樂劇，有幸結識了一大班廣布戰友。
http://ronaldleechin.blogspot.com/2002/10/blog-post_12.html
 
四年前有沙士，本來踏入第三年的本部5.3大匯演被迫延期，當時的11.18總會是幾年來青年部培育計劃的小結，三個月來的練習，一連六場的公演，不同支部的雜牌軍融合成為心意一致的團隊，也湧現了不少生力軍。那段返會館去泉記多過返屋企的日子又怎會忘記？
http://ronaldleechin.blogspot.com/2003/11/blog-post.html
 
三年前的年底，日本研修歸來後立下十年決意，懷著作為創價學會員的喜悅，一人立起建議為慶賀SGI 30周年而製作《創造樂園》。在庭兄領導下，各本部的組員為整個製作義無反顧地付出。想起來，dancers包括今次音樂劇的Bonnie、嘉濂和化妝姐姐阿橙，永誌難忘。
http://ronaldleechin.blogspot.com/2005/02/blog-post.html
 
兩年前的十一月，為了培育青年部後繼及接觸新朋友，我們齊心合力搞了「活得囍」友好大會，嘗試以主題遊戲穿插體驗的新模式，當年多位新負責人都在今年文化節肩負重任，例如遊戲活動負責人肥姐和阿傑分別成為音樂劇支柱和劇務台左阿頭，礎瑜便是當年的司儀之一，而文健則是「人人．天天．天比高」的表演負責人，大家都一直在學會成長起來。
http://givemefivefivefive.blogspot.com/2005_11_01_archive.html
 
一年前的十一月，阿五文化節進行台前幕後大招募，宣傳點子是：「朋友，你飛得起嗎？」
 
今年十一月，大家心中已經有答案吧，但願今後我們可以齊集一起，合唱〈我要高飛〉和〈飛得起〉。大家要記住，十一月是創價學會創立紀念，也可算是我們邂逅結緣之時。珍重。
 

－全文完－

 

P.S.　幾位好拍檔及其他小組的戰友：
篇幅實在太長，恕不一一道謝。無言感激，廣布道見。
 
P.P.S.  感謝肥姐結集大家的感想放了這兒分享

[小鋼]

縱然沒有參與你們的團隊，卻在字裡行間感受每一位發揮著自己的使命，並凝聚在一起的決心。

別忘了今次不止是完滿結束，更是下一次的重新出發。

因為...
在久遠元初....
我們已在靈鷲山立誓....
為了末法今天的廣宣流布奮戰....
我們已經逐點逐點積聚起來....

"...任何事有我共你 晴或雨 也飛得起..."

期望與各位 "...綻放熱情締造奇蹟　憑你(我)... "！

珍重！

小鋼.

[肥肥]

文化節完結了 ， 但完了完不了。最難忘的是 10 月 28 號尾一場<我要高飛> 一幕 ， 在台邊看著演員是含著淚由台邊跳出去，望見大家毫最不捨的心情在無保留地以地跳，原全唱出了真心真意唱出每句歌詞展示飛躍起的精神…直到今時今日， 仍不時會浮那兩日來的片斷，一個一個的magic moments，一張一張同伴的臉。

一年前當劇本剛完成時，對白同歌詞都只不過純粹是白紙上的黑字，令到第五本部文化節 < 廣布飛躍> 真真正正飛躍起的是每一位參加者! 缺少了任何一位台前幕後的人，都不可能，真是「一個都不能少」最後的「大成功」並不是以有多少人曾觀看過，能逼爆講堂而論，而是以多少人曾因為文化節感動過、哭過、笑過、痛過、成長過而計。

繼兒時參加過８８年世界青年和平文化節做ｐｏｍｐｏｍ後，這次是我長大重返學會後過的第一個文化節（正期待參加下一個、再下一個的）。感謝提供這個機會我參予今次文化節的所有負責人，因為我有可能是全組入面最甩皮甩骨的一個 ， 一下子有分擔當如此大型的節目，實在好生令自己及他人而擔心（好似展鑾所講，起用新人是非常冒險和自討苦吃的）。但，一切都是因為妙法嘅安排，比我這一個轉換宿命、人間革命的機會。

自問對佛法的認識淺之又淺 ， 才智所限，在參予寫劇本嘅過程中，出力最少。到做音樂劇負責人時，自身的短處同陋習如做事欠缺耐性、恆心、細心， 其他數之不盡的缺點大意、失魂、失言、善忘等等都一一浮現，逼得身邊的人要提升境涯及智慧去補位，真是辛苦了所有合作過的人- 文健、展鑾、可瑩、詠雯、阿庭( 尤其是展鑾，多謝您，辛苦您！一路以來對我的教導， 指導及勸勉及推動，以及容忍一個可靠程度為負數的partner) 。

欣賞到今次演出的觀眾，其實是在欣賞表演者搏動的生命力，因為大家都是傾注全力、全心的演出先會令觀眾感動到喊，以業餘表演者做出令人誤以為是專業演員，大家努力的成果有目共睹。但過程其實幾迂迴曲折，剛開始時排舞進度超慢，有一次更令原本活潑樂觀嘅導師阿墨都忍唔住發難想走。

自己的心態一開始亦好差，只是想每一個要出席的組員都會乖乖自動自覺出來，完全是一個唔對路的負責人。但經過與很多與戰友、不同會友的傾談中，明白到做負責人一定要全心為各人嘅成長同埋幸福而祈求。一念改變後，每次唱題時腦海都會浮現出大家的臉， 祈求大家可以跨越生活上嘅大小問題，做好生活上的每一個崗位，到出席練習時先可以真心享受同埋感受．．．當然其間多次覺得自己可有可無洩氣的時候，多謝文健會補給我正能量，以及用他強勁的人肉發聲cd機幫大家排舞。

藉著文化節這個緣 ， 識到好多朋友／好朋友，其中有互相怨懟過，爭吵過，欣賞過，合作過，打鬧過的，最後互相見證大家嘅銳變（文健，你好似瘦咗又靚咗喎．．．＜笑＞！）同埋成長。感謝您們每一位，大家都是在久遠元初就約定，要一齊締造這個永誌難忘的集體回憶－２００７年阿五文化節！跟約定再過下一個再一下的的文化節吧！响我地係另一次大行事中再遇之前，要確立自己嘅使命，努力奮鬥呀～

Fanny